原文連結：
https://www.facebook.com/hangoutAS/posts/295798350542485
（註：蒲吧搞手傑為表演場地未來一年停辦band show一事解話。此post純為backup，如需刪除煩請告知。）
蒲吧band show休息已經一個月，大家有無掛住我地呢？
慣左每個星期都有band show,依家話無就無真係唔係好慣...
之前應承過大家要同大家交代返成件事的。長文！！慎入！！
一直以來，蒲吧發展好多唔同既青年文化，係為左俾年青人有機會發展所長，以及得到社會認同。所以蒲吧成立左社會企業AS production，致力發展band sound 文化。可能有朋友唔太知道AS Production, AS 就係每個星期為大家做台燈聲，攪band show, 攪school tour, 去學校教夾band, 幫band錄音,update facebook既團隊。
咁社會企業又係咩呢？社會企業係近年新興既社會服務方式，透過做生意o既方法，去服務社會上o既弱勢社群。AS Production聘請一部份o既工作人員，他們有些是雙失，低競爭力，甚至有些有行為問題，AS Production聘請他們後，除訓練他們的專業技能外（如台，燈，聲），亦改善他們的工作態度及人際關係等。而AS Production所有收入均會撥入蒲吧作青年服務及發展青年文化等慈善用途。
蒲吧band show-青年紅館
頭兩年攪band show的時候，我們只有一個很簡單既概念，就是紅館般的專業舞台不是商業歌手的專利，每個人都可擁有，所以，我們一直都以打造我們能力以內最佳的舞台，給不同的樂隊演出，幾年來，我們的台，燈，聲都不斷"upgrade" 以提供最佳的服務。我們發現，專業的舞台不單止令演出者玩得高興，亦可以今樂隊文化更＂易入口＂把band的演出發揮得最好，令社會大眾更易接受，令band文化普及。的而且確，我們看見我們香港的band show由初頭只有幾十觀眾，到有幾百，甚至過千。
開始攪AS Production的時候，頭兩年我們的經費是得到民政署資助的，所以我們當初的全場band show製作費是$3，000，兩年之後，政府便不再給我們任何資助，我們需要自付盈虧，所以調整收費至$7，000，我們想保留目標為大眾服務，所以扣除開支人工後雖然仍然蝕錢，但總算捱得過去。
之後開始有polymuso等大野攪全場，但我地嗰陣既音響根本唔夠打＂恆＂全場，所以我地都會建議攪全場的人仕外租音響。因為我們發現攪親全場都需要外租音響,所以我地將全場改為$28，000，其實只是把外租音響的費用實報實銷而已。
隨著band show 愈來愈多，又多左外地來的tour band,觀眾又愈來愈多，我們當時的lighting同audio慢慢不能應付各位的需要，咁我地又諗計"upgrade".多謝香港Meyersound代理啊Paul的支持，用超優惠價$4，000將兩'抽'house speakers長租俾我地（市價要$8，000），加上我地又添置左D lighting, upgrade成功！但由於成本提升，我地唯有將半場升至$9，000。為左攪手唔好咁大壓力，我地聯絡左栢斯琴行給攪手補貼$1，000，令到雖然audio同lighting都有重大upgrade,但攪手只需多付$1，000。最近呢年，我地更得到Tom Lee的支持，給攪手$2，000的補貼，令半場從回$7，000的水平。
點解要停?
經歷過無數的band show後，直至2012年10月，啊Paul帶黎一個對我地唔係太好的消息-佢要賣左手頭上租俾我地既speakers! 真係大打擊!!10月開始無speakers用，但show已經接到12月尾，唯有死頂，喺出面租！當然，梗係無優惠價！10-12月我地有8場半場show，收$9，000一場，租speakers加運費$8，750.......因為咁大鑊，我地計過條數，我地攪一場半場band show, equipment, 場租，人工，燈油火蠟加埋差不多要$20，000，這三個月我們差不多蝕了6位數，所以唯有壯士斷臂，暫停接來年band show。這段日子，有好多朋友真誠問候，表示不捨，甚至要提供幫助，直係＂患難見真情＂，在此多謝大家！！
大家也是舉足輕重的
係呢到工作嘅幾年，蒲吧差唔多發生左200場band show, 我見過好多唔同既情況：
1. 非主流metal band也可爆場
2. 主流熱門pop band得百零人蝕錢走人
3.有band在蒲吧攪show賺6位數字
看多了，我們發現一場show是否成功，會否蝕錢，大家的影響力也很大：
攪手有否做好宣傳，set好rundown?定係兩個星期前先出宣傳，然後over run兩個鐘？
樂隊有否做足準備，令觀眾覺得值回票價，定係淨係開大隻amp亂咁fei?
Band 民有否真心支持band sound 文化，買飛買碟，定係將睇band show 視為無節目先去既消遣，或者表示自己係rock友，有生活態度既象徵？
場地有否將一切妥善安排，令band玩得開心，觀眾睇得盡興？定係得過且過，不思進取？
可惜，這些年來我經常收到對蒲吧band show收費貴的評擊，甚至說我們謀取暴利，因財失義。其實，在這停band show的一個月，我們的盈餘反而上升了。
其實不只蒲吧，我聽說過在其他場地有band show, 開場時只得3個觀眾，台上既人仲多過台下。
香港既band sound 要繼續發展，攪手，場地，觀眾，band本身，缺一不可！！大家要各盡責任，先可以令香港band sound不再是潮流，而成為文化！
未來
蒲吧及AS Production並不會停，並不會放棄！我們不斷找尋合適的器材及合適的價錢，一攪掂，蒲吧就會復活！！在未來呢一段日子，我地會暫時進軍校園，吸納band壇新血，將band文化帶俾新一代。未來我地會去18間中學，訓練36隊新band。預計觀眾人數達8，000師生！當我地回歸既時候，希望呢8，000人會係各大band show出現！
Keep Rocking!
蒲吧傑
